DAVAO CITY – Gitan-aw karon sa Toril Police Station ang anggulo nga pagkalambigit sa swindling sa pagka-pusil patay diha-diha gilayon sa usa ka door mat vendor human kini gipusil patay sa wala maila nga armado sulod sa Toril Public Cemetery.
Nasayran nga naghatud lamang sa lubong sa iyang ig-agaw ang biktima Rodrigo Villegas, 33 anyos, dihang gipusil sa armado.
Sumala sa mga nakasaksi sa panghitabo nga nagpaka-aron ingnon nga magdagkot ang suspek ug candela ug mitabang sa pagdayong sa lungon ang mga responsabli.
Nasayran gikan kang Toril Police Deputy Station Commander Maria Luisa Bengil, migula sa ilang imbestigasyon nahilambigit sa extortion ang biktima gumikan kay nagpa-ila kini nga sakop sa rebeldeng New People’s Army (NPA).
Padayon pa nga gisuta sa kapolisan ang mga suspek sa kremen.
