DAVAO CITY – Dako ang posibilidad nga malugwayan pa ang Martial Law sa Mindanao apan pili-an na lamang ang mga lugar diin kini ipatuman. Una ng gibutyag ni Office of the Presidential Adviser on the Peace Process (OPPAP) Sec. Carlito Galvez Jr., nga ilang irekomenda nga pili-an na lamang ang mga dapit nga ipabilin sa balaod militar sanglit adunay pipila ka lugar sa Mindanao nga nagmalinawon na sa kasamtangan ug wala na ang bahad sa mga terorista.
Hinuon gitino sa opisyal nga bugtong ang mga ground forces pa gihapon ang makabutyag kung kinahanglan nga subling ipatuman ang martial law sanglit sila ang nakahibalo kung unsa ang sitwasyon sa usa ka lugar ug kung nagpabalin pa ba ang bahad sa mga dautang elemento.
Ang desisyon sa extension sa Martial law laoman nga ipagula sa kongreso ayha matapos ang kasamtangan tuig.
