DAVAO CITY – Sugdan na karung adlawa, Marso 1 ang tulo ka bulan nga experimental truck ban sa siyudad human nga napalabang kini sa 18th City Council kagahapong adlawa.
Subay sa kopya sa certificate of urgency filed nga gilagdaan ni acting Vice Mayor Bernard Al-ag, ang pag-ban sa mga truck magsugod sa alas singko sa buntag hangtud na sa alas nuebe sa buntag ingon man alas 4:00 sa hapon hangtud na alas otoso sa gabii.
Ang experimental ban matapos sa bulan sa Mayo.
Gipahimangnoan karon sa City Transportation and Traffic Management Office nga makiglambigit sa City Planning Development Office, Land Transportation Office ug Highway Patrol Group sa pagsumite ug mga gikinahanglan nga Traffic Impact Assessment (TIA).
Ang maong resolusyon gibasa sa vice chair sa committee of transportation Davao nga si City Councilor Jesus Joseph Zozobrado.
Una na sab nga gibutyag ni Councilor Conrado Baluran, proponent sa truck ban, nga ang TIA gamiton isip basehan sa truck ban amendment.
