Giyagyag ni kanhing Iloilo City Mayor Jed Patrick Mabilog sa House Quad Committee kung giunsa paggamit sa Duterte administration ang duguon nga anti-drug campaign nga mipatay sa libuan ka mga Filipino nga dili lamang sa war on drugs kon dili nahimong smokescreen usab kini aron nga punteryahon ug i-eliminate ang mga kalaban sa pulitika.
Kahinumdumang si Mabilog ang nahilakip sa narco-list ni kanhing Pangulong Duterte.
Giakusahan ni Mabilog ang kanhing administrasyon nga ginagamit ang law enforcement agencies ilawom ni kanhing PNP chief ug Senator Ronald Dela Rosa aron nga isilbi ang pulitikanhon nga pagpanimalos.
Sa pag-atubang ni Mabilog sa Quad Comm.,hugot niining gilimod nga siya ang drug protector, ug hangtod karon wala pa’y kaso nga giduso batok kaniya kabahin sa illegal drugs.
Dugang pa ni Mabilog, gilakip ang mga pangalan sa kalaban sa pulitika sa usa ka validated list sa mga drug personalities human sa PRRD List, kini luyo sa mga kuwestiyunableng impormasyon ug wala’y validation sa unsa man nga ahensya sa gobyerno sa Malacañang initiated list.
Gipunto sab ni Mabilog nga ang narco-list ni ex-PRRD, ang nahimo na nga “hit list”.Gibulgar sab sa kanhing Mayor nga ang perming pagbahad ni kanhing Pang. Duterte sa media ug harap-harapan nga pagbutyag nga ipa-patay maoy nakaaghat kaniya sa pagtago.
