Gipaambit ni Manila Rep. Benny Abante, co-chair sa House quad committee, nga natumbo na sa komitiba kung kinsa ang police general nga mitawag kang kanhing Iloilo City Mayor Jed Mabilog aron mohatag ug pahimangno nga posibleng patyon ang kanhing Mayor.
Sumala kang Abante, si kanhing PNP Chief Camilo Cascolan sumala pa ang mitawag kaniadto kang Mabilog.
Una nang gibutyag sa kanhing Iloilo mayor nga gipasidan-an siya nga dili na moadto sa Camp Crame tungod sa risgo sa iyahang kinabuhi, gawas pa sa mga ipahimo matud pa kaniya ang mga opisyal sa nakalabay nga administrasyon.
Lakip na niini ang pag-pressure nga tumbokon niya sila kanhing Sen. Mar Roxas ug kanhing senate President Franklin Drilon isip drug lords.
Kahinumduman nga nahimo pa nga emosyunal si Mabilog sa nakalabay nga pagtambong niini sa Quad Committee, diin iyahang giyagyag ang mga kasinati-an niadtong gibutang kini siya sa Duterte administration sa matud pa narco list.
Apan ang mga rebelasyon ang dili na makalap kang Cascolan, gumikan mipanaw na kini niadtong nakalabay nga tuig.
Sa bahin sab ni kanhing PNP Chief ug kasron Sen. Ronald dela Rosa, nagtuo ang nahisgutan nga kabahin lamang kini sa mga pandaot aron gubaon ang ang ilahang pakigbisog sa politika, kauban ang mga Duterte.
