Kalit nga gibukbuk ug gipuspusan ang usa ka batan-ong lalake sa Purok 6 Saypon Riverside, Brgy. Crossing Bayabas, Toril, ning syudad niadtong miaging adlaw, human nga nagpalit lamang kini og sud-an.
Giila ang maong lalake nga si alyas John, 19-anyos, Grade 10 student, ug nagpuyo sa susamang lugar.
Sumala pa sa taho, nga kalit nga midangop sa mga otoridad ang biktima, ug gisaysay niini ang panghitabo.
Matud pa, nga igo lamang sumala pa sila mikaon ug mipalit og sud-an sa usa ka kan-anan sa maong dapit, sa dihang adunay usa ka lalake nga kalit miduol kaniya og gipuspusan og buak nga hollow block, hinungdan nga nakaangkon kini og samad sa tuo nga bahin sa iyahang kilay.
Dali sab nga nailhan ang suspek nga giilang si alyas Se, 16-anyos og residente sa Venus St. Brgy. Crossing Bayabas Toril, ning dakbayan.
Nasayran nga usa sab si Se sa mga nagapanguna sa mga riot sa ilahang dapit.
Sa karun, ginahikay na sa mga otoridad ang maong kaso, alang sa tukmang disposisyon.
