Gipalawom sa intervention ang nalambigit sa pamukbuk sa estudyante sa Bernardo D. Carpio National High School
Gani, gipailawom sa modular learning ang mga nalambigit isip lakang sa maong tulunghaan.
Ang mga Junior High School students nga nalambigit sa pamukbuk sa usa ka estudyante, human kini mabukbukan tungod sa gituohang panimalos sa kalaban niining gang, human gituohan nga ang biktima maoy mismong nanunggab sa kauban sa namukbok kaniya sa milabayng stabbing incident sa Juliville Village, Buhangin District ning dakbayan.
Nakuhanan og CCTV footage ang insidente, diin makita nga nagdagan ang ubang mga estudyante samtang gikulata ug gitadyakan ang biktima. Gidala kini sa ospital alang sa medikal nga eksaminasyon ug giresetahan sa doktor nga magpahulay.
Kaluy-an, wala na kini gipailawom pa sa CT scan subay sa rekomendasyon sa doktor.
Tungod sa maong insidente, temporaryong gipailawom ang mga nalambigit sa modular class ug maka-reinstate ra sila sa face-to-face classes og tugutan na sa eskwelahan, human nga ma-assess aron hingpit makabalik sa sunod school year.
Samtang ang mga ginikanan sa mga estudyanteng nalambigit, hingpit nga gihimakak nga dili miyembro sa gang ang ilang mga anak.
Sa esklusibong pakighinabi sa Bombo Radyo Davao kang Shirley Elizabeth Jacobe, Principal sa maong tulunghaan, nga miyembro kini sa TDS Gang base sa ilang monitoring.
Gibutyag usab nga kini sila gipang-recruit sa maong grupo.
Kahinumduman nga sa miaging bulan, nadakpan si alyas “Boy Isog,” nailhang lider sa gang, nga sumala sa mga otoridad, maoy nagapangunay og pagpangrecruit sa mga estudyante.
Matod ni Jacobe, dako ilang pasalamat sa otoridad nga nadakpan ang maong suspek aron mapugngan ang gubot ug dugang recruitment sa gang.
Padayon karon ang aksyon sa tulunghaan ug sa mga otoridad aron matutukan ang maong insidente ug masiguro ang kahapsay sa mga estudyante.
Dugang pa, midugang og personahe, lakip na police visibility ang eskwelahan, aron mas mapahugtan ang monitoring sa mga estudyante, ilabi na sa sulod ug gawas sa campus.
Gani, duna na usab close coordination ang school administrators sa kapulisan aron malikayan ang susamang insidente sa umalabot.
