DAVAO CITY- Patay ang usa ka estudyante sa kolehiyo human nga nalatayan kini sa usa ka Prime mover truck sa R.Castillo St. ning dakbayan sa Davao.
Subay sa inisyal nga report sa traffic enforcement unit sa DCPO, pasado alas tres ang takna kaganihang kaadlawon nahitabo ang dusgrasya sa nasampit nga dalan.
Nasayran ang usa ka Prime mover truck nga gipanag-iyahan ni Jeff Jason Castañares Cosmeño ug gimaneho ni Alexander Remoneras, Remedios, Jr. 50-anyos nga taga Magugpo West Tagum City.
Samtang katapad sab sab niini sa pagbyahe niadtong tungura nga padulong sa Agdao Proper ang usa ka motorsiklo nga TMX nga gimaneho sa biktima nga si Tristan R. Racho, 21-anyos, estudyante sa DMMA nga residente sa Brgy. Indangan, Davao ning syudad sa Davao.
Sa imbistigasyon sa mga otoridad, sa wala pa mahitabo ang pagkadisgrasya, gikanayon niini nga ang trailer truck ang nagsubay sa dalan nga padulong sa Agdao Proper nga gikan sa Mintrade Drive padulong sa Holy Cross Drive nga nag-okupa sa inner lane sa maong karsada.
Apan pag-abot niini atubangan sa AISIN establishment, kalit nga mibangga ang motor sa wala nga bahin sa ligid sa Prime Mover truck nga maoy bhinungdan nga nawad-an kini ug kontrol.
Tungod sa maong panghitabo, ang drayber sa motor nga si Tristan nahulog kini sa karsada samtang nalatayan kini sa nagsunod nga truck niadtong tungura nga maoy hinungdan sa iyahang kamatayon tungod sa paglatay sa ligid duol nga bahin sa iyahang tiyan.
Sa pagkakaron ang patay nga lawas sa biktima ang gidala na sa purenarya sa Torres ning dakbayan sa Davao.
