Estados Unidos, nabalaka nga nagpadala ang North Korea og mga sundalo niini sa Russia

Nagpadayag usab ug kabalaka ang Estados Unidos sa gibutyag ni Ukrainian President Volodymyr Zelensky nga nagpadala ang North Korea ug mga sundalo niini sa Russia.

Gipahayag sa White House nga sa higayong kini ang tinuod, mupasamot kini sa tensyon sa gubat sa Russia ug Ukraine.

Ang nahisgutang lakang kuno sa Russia ang nagpakita ug pagka-deperado na sa Russia aron pildihon ug sakupon ang Ukraine.

Kung kahinumduman, unang gipanghimakak sa Russia ang nahisgutang alegasyon kung diin gikanayon niini nga haduol lamang sila sa North Korea ug dili kini nila himuon.

Unang gibutyag usab sa US nga nag-supply ang North Korea ug mga ballistic missiles sa Russia nga gipanghimakak usab sa duha ka nasud