DAVAO CITY – Gikanayon sa usa ka opisyal sa National Union of Journalist of the Philippines nga anaa gihapon sa dili luwas nga kahimtang ang mga magsisisbya sa Pilipinas, pipila ka katuigan human sa nahitabong pagpangatake sa 32 ka mga magsisibya atol sa duguon nga Magunidanao Massacre, 14 ka tuig na ang nakalabay.
Sumala sa nakahinabi sa Bombo Radyo Davao nga si Kath Cortez, ang National Vice Chairperson sa NUJP, dagkong implikasyon ang pagkonsidera sa Pilipinas isip usa sa mga pinakadelikadong lugar alang sa mga mamahayag nga unang gikuptan sa nasud Iraq.
Sumala pa ni Cortez, bisan pa man sa pagkademokratiko sa nasud, nagpahipi ang ginatawag ang impunity kon pagpang-usig sa mga tigbalita.
Timaihan sab niini ang gikatala nga 199 ka mga journalists nga gipamatay gikan sa mga nakalabayng administrasyon.
Gawas niana, ang mga mamahayag sab nga dunay lig-on nga baruganan sa mga isyu ang kasagaran nga gitirahan sa mga dautang elemento, pagpang-harass, o di kaha ma-red tag sa mga hingtungdan.
Dugang pa, usa sa mga hinungdan sa paghuyang sa dagan sa hustisya sa mga biktima ang impluwensya sa mga dagkong opisyal sa gobyerno.
Gipanawagan karon sa opisyal nga lugwayan pa ang pagpanalipod sa mga tigbalita.
Gipasalig sab sa grupo ang pagpaniid sa mga biktima sa nakalabayng massacre nga nakasinati og “partial justice” gumikan sa duna pay gawasnon nga mga suspek ning kasamtangan, nga dili sila pasagdan ug dungan nga papanubayan ang makasaysayanon apan makasubo nga kapitulo sa natad sa mass media ug politika sa nasud.
via || Bombo LJF
