Subling gikondena ni outgoing Catholic Bishops’ Conference of the Philippines (CBCP) President Cardinal Pablo Virgilio David ang online nga sugal sa nasud, ug nagpasidaan nga posibleng mahimong kakunsabo ang estado sa pagkaadik sa sugal sa mga Pilipino kung kini mahimong “promotor, regulator, ug benepisyaryo sa kita gikan sa sugal.”
Sa iyang sulat ngadto kang PAGCOR Chairman Alejandro Tengco, gipadayag ni Cardinal David nga walay buhis nga mas bililhon kay sa kinabuhi, pamilya, ug kaugmaon nga naguba tungod sa pagkaadik sa sugal.
Gibutyag usab sa Kardinal nga ang maong sulat nga iyang gipadala ngadto sa pangulo sa PAGCOR, nga una nang misulat kaniya kabahin sa isyu sa online gambling.
Nanawagan karon si Cardinal David alang sa mga palisiya nga nag-una sa dignidad sa tawo ug kaayohan sa kadaghanan, inay nga lumalabay lamang nga ginansya sa salapi gumikan sa sugal.
Kahinumduman nga una na usab gipanawagan sa pipila ka mga magbabalaod ang pagpapas sa online gambling nga una na kining gipalagan nga wala nahisguti sa pangulo atol sa SONA.
