-- ADVERTISEMENT --
Upat ka mga sakay ang nakabsan sa kinabuhi human mahagsa ang usa ka eroplano sa Civil Protection sa Ferhat Abbas Airport sa Jijel, nga anaa sa 350 kilometro nga gilay-on sa sidlakan sa Algiers, sumala sa awtoridad sa Civil Protection sa Algeria.
Sumala pa sa mga otoridad, ang maong eroplano, usa ka klase nga Zlin aircraft, nga naglupad isip kabahin sa usa ka training mission sa dihang nahitabo ang aksidente.
Lakip sa mga biktima ang duha ka miyembro sa Civil Protection, usa ka flight instructor gikan sa Civil Protection Aviation School, ug ang usa ka manager sa aviation company nga Chilean ang nationality.
Sa pagkakaron, nagpadayon ang gilusad nga imbestigasyon aron masuta ang hinungdan sa maong pagkahagsa.
