DAVAO CITY – Gikatakda sumala pa nga magpagawas ang lokal nga kagamhanan ug executive order (EO) nga magmando sa tanan nga mga kandidato nga gilayong tangtangon ang ilang mga campaign paraphernalia human ang May 9, 2022 elections.
Gikanayong ipagawas ang EO sa musunod nga mga adlaw.
Unod niini nga ang tanan nga mga local candidates kinahangkan nga mumuna ug kaugalingon nila nga “cleanup teams.”
Gikanayong ang susama nga mga paraphernalia ang eyesores ug mamahimong mas mugrabe pa kini sa higayon nga mnagsugod na sab ang campaign period sa local positions karung adlaw nga Biyernes.
Gitataw sa Commission on Elections (Comelec) nga ang campaign period alang sa locally elected positions ang magsugod sa Marso 25 hangtud May 7.
Una ng gibutyag sa Interface Development Intervention for Sustainability (Idis) nga nakatala sila ug mga nagkadaiyang basura sa national campaign sukad nga gisugdan kini kaniadtong pebrero 8, ug lauman ang susama pa nga mga basura nga mahipus kung sugdan na sab ang local campaign.
Sagad sumala pa sa makita sa mga kadalanan ang mga tarpaulins ug advertisement banners, uban ang paggamit ug mga balloons ug confetti, diin sagad sab kini nga makit-an panahon sa political rally.
Gi-awhag sa Idis ang political candidates nga i-practice ang “environment-friendly campaign.”
Gi-awhag ni Idis Executive Director Mark Peñalver ang mga kandidato nga kinahanglan mas responsable sa ilang mga basura ug likayan ang pagbutang niini sa mga punoan sanglit mamahimong makadaut sab kini sa kondisyon sa kahoy.
Hugtanon sab kini nga ginadili pinasikad sa Republic Act (RA) 9006 or the Fair Election Act of 2001.
Gitugot lamang ang pagpahimutang sa mga campaign materials sa common poster areas sa pampublikong lugar sama sa plazas, markets, barangay centers ug uban pa subay na sab sa Section 9 sa RA 9006.
