Gipahayag ni Chief Presidential Legal Counsel Juan Ponce Enrile nga ang katungod sa gawasnong pagpadayag ang nahisubay sa tinuod nga inpormasyon nga nagtumong muhatag ug kasayuran sa publiko ug dili manipulahon ang mga nahisgutan. Kini ang adunay kalabutan sa pagkuyanap sa fake news online sa panahon sa eleksyon nga ginahisgutan usab sa kongreso.
Dugang gipahayag pa ni Enrile nga ang gawasnong pagpadayag sa social media ang gikinahanglang nakabasi sa mga kamatuoran, aron maseguro nga insakto ang nakuhang kasayuran sa publiko. Gipasabot pa niini nga ang Bill of Rights ang mihatag ug katungod sa mga tawo aron makamugna ug insaktong desisyon mahitungod sa mga isyu nga nakaapekto sa ilaha ug dili aron ilaron o manipulahon sila alang sa kaugalingong interes.
Dugang pa niini nga gikinahanglang magmaapingon ang mga migamit sa social media sa paghatag ug inpormasyon online, aron malikayan ang pagkuyanap sa sayop nga inpormasyon nga mahimong makahatag ug kagubot sa nasud.
