DAVAO CITY- Gipasabot ni PBrig.Gen. Torre, nga ang bunker nga ilahang gipangita ang usa ka ‘End of the world type-bunker’ kon usa ka bunker nga mahimong suportahan ang pipila ka mga tawo sulod sa dugay nga panahon.
Kini ang gipamugos sa opisyal ngadto sa mga senador mga mitambong sa hearing kagahapong adlawa.Sumala pa ni Torre nga adun ay bunker si Pastor Apollo Quiboloy ilawom sa Kingdom of Jesus Christ ug kini ang dili simpleng bunker ang ilahang gipangita.
Gipasalig sab sa nahisgutan nga adunay mga ponding pagkaon sa sulod sa bunker.
Gawas sa mga food supply, kumpleto sumala pa kini sa nagkadaiyang mga essential service sama sa limpyo nga tubig, kuryente, ug uban pa nga makahatag ug komportableng kinabuhi alang sa mga mopuyo.
Samtang gikanayon sa opisyal nga walay saktong estimate pila ka mga adlaw nga mabuhi ang mga tawo sa sulod niini, lakip na si Pastor Quiboloy nga gituohan sab nga nagtago kini ilawom sa yuta sa KOJC compound.
Pagpasabot pa ni Torre III, nga ang nasampit nga bunker ang gituyo ug tukod sa usa ka adunahan nga indibidwal nga nanag-iya sa pipila ka airplane, ug helicopter nga iyahang graheanan kon (hangar).
Una nang gipaguwa sa PNP ang posibilidad nga adunay ng bunker sa sulod sa KOJC compound diin gituohan nga nagtago si Quiboloy ug uban pang kaubanan.
Una ng gipangante sa opisyal nga dili sila mohunong sa pagpangita sa nagtago-tago nga pastor hangtod nga ilaha kining madakpan tungod sa iyahang mga kasong giatubang.
Sa karon mas pahugtan pa niini ang operasyon ug dili na nila palabyon ang mobabag nga mga myembro o si bisan kinsa atoll sa ilahang operasyon.
