Empleyado sa City Treasurers Office tingkagol sa prisohan gumikan sa paghupot og iligal nga druga

DAVAO CITY – Himas rehas karon ang usa ka empleyado sa City Treasures Office human nasikop sa gilusad nga drug-buy bust operation sa mga sakop sa Talomo PNP kilid mismo sa City Vitenerary Office kagahapong adlawa.

Ang dinakpan naila nga si Al Sherwin Ng, 40 anyos ,Driver II sa City Treaures Office Slaughter nga taga Brgy.27-C ning syudad sa Dabaw.

Nakumpiska gikan sa dinakpan ang mga pakete sa iligal nga druga nga giayo og sulod sa wrapper sa menthol candy ug Choco Milkbar diin aduna kini street value nga mukabat sa P15,000.

Narekober sab ang cellphone ug ang kwarta nga gigamit sa buybust.

Ang dinakpan ang gikonsiderang usa ka High Value Target sa kapulisan. Gi-andam na ang kasong kalapasan sa RA 9165 batok sa dinakpan.