Nagbahad si U.S. President Donald Trump nga putlon ang mga kontrata sa gobyerno nga adunay kalabutan sa mga kompanya ni Elon Musk, samtang giingon ni Musk nga ang presidente kinahanglan na matud pang ma-impeach.
Nagsugod ang panagbangi human gibatikos ni Trump ang tech billionaire gumikan sa pagkanaog sa stock market sa electric vehicle company ni Musk og 14.3%, nga maoy hinungdan sumala pa sa pagkawala sa $150 billion sa market value sa nasud.
Una nang gisaway ni Musk ang panukalang balaod ni Trump kabahin sa buhis ug pagkagastador niini nga maoy makapasamot pa sa utang sa nasud.
Apan gibalik ni Trump nga ang tinuod nga hinungdan sa kasuko ni Musk mao ang plano nga wagtangon ang tax credits alang sa mga electric vehicle.
Sa laing bahin, nagbahad usab si Musk nga iyahang i-decommission ang Dragon spacecraft sa SpaceX, apan wala kini gituman human siya gitambagan sa iyahang mga koneksyon sa industriya nga maghinay-hinay lamang una.
Gidugang pa, nga aduna matud pay posibilidad nga magtukod si Musk og bag-ong political party human niya ipadayag nga lahi ang iyahang baruganan tandi sa kasamtangang lider sa Amerika.
