DAVAO CITY – Gikanayon sa Davao City Police Office (DCPO) nga malinawon ang tibuok dakbayan atol sa milabay nga eleksiyon.
Sumala pa kang Major Ma. Teresita Gaspan, DCPO spokesperson, nga malampuson ang gipahigayon nga maximum deployment sa mga police personnel sa ground aron masiguro ang seguridad sa mga dabawenyo samtang gi-deploy sila sa mga polling centers.
Nahimong malampuson sab kini sa tabang sa ilang counterparts gikan sa Armed Forces of the Philippines (AFP), Department of Education (DepEd), Commission on Elections (Comelec), ug uban pamh ahensiya sa kagamhanan.
Una ng gibutyag sa DCPO nga anaa sa 80 percent sa ilang field personnel ang gipakatag sa mga nagkadaiyang polling precincts nga nanginahanglan ug dugang nga seguridad.
Ang mga Police personnel gidestino sa polling precincts, pag-secure sa voting counting machines (VCM), rapid deployment force, ug traffic management.
Kahinumduman nga anaa sa duruha ka mga police ang gipabantay sa matag polling precinct samtang dugang nga deployment nga upat ngadto na sa unom ka mga personahe ang gipakatag sa 1,211 clustered precincts.
Samtang anaa sa 12 ka mga indibidwal ang ilang nasikop human nga nakalapas sa liquor ban violations sa mismong adlaw sa eleksiyon.
