“El Filibusterismo” nga adunay pirma ni Jose Rizal nabaligya sa kantidad nga P21 milyon

Natala karon ang labing mahal nga libro human nga nabaligya sa usa ka auction ang unang edisyon sa librong “El Filibusterismo” nga adunay pirma ni Jose Rizal sa kantidad nga P21 milyon gikan sa starting price nga P5 milyon niadtong Pebrero 14.

Sa kinatibuk-an, mokabat sa sobra P25.3 milyon ang kantidad sa libro uban sa gitawag nga “buyer’s premium.”

Sumala sa Leon Gallery, nakatala kini og bag-ong world record isip labing mahal nga librong nabaligya sa Pilipinas.

Nasayran nga mas mahal kini kung itandi sa nasubasta nga libro niadtong 2025, ang autographed copy sa “Noli Me Tangere”, nga nagkantidad og P19 milyon.