DAVAO CITY – Nakigkita ang Eastern Mindanao Command (EastMinCom) ilalom sa liderato ni LtGen. Greg T. Almerol ngadto sa Commission on Elections (COMELEC), Philippine National Police (PNP), ug uban pang mga government security agencies arun nga isapinal ang pagpangandam alang sa pagpatuman sa secure, accurate, free, and fair elections (SAFE) karung tuiga kini pinaagi sa Regional Joint Security Control Center (RJSCC) Command Conference pipila ka semana ayha ang pinili-ay.
Una ng gipahigayon ang RJSCC for Northern Mindanao Region sa Malaybalay City, Bukidnon; Davao Region, Davao City; ug Caraga Region sa Surigao City, Surigao del Norte.
Ang sunod-sunod nga mga conferences naka-highlight sa mga diskusyon kalabot sa security preparation updates ilabi na ang deployment sa tropa ug mga gihimo nga lakang aron nga makapahigayon ug contingency measures ilabi na sa mga lugar nga giilang “Election Areas of Concerns” atol sa National and Local Election 2022.
Kahinumduman nga ang EastMinCom ang gi-deputized sa COMELEC isip usa sa mga law enforcement agencies ug government instrumentalities arun manguna sa security operations ayha, atol, o sa mismong adlaw sa eleksiyon.
Samtang gipasalig sab ni LtGen. Almerol ngadto sa publiko nga ang sunod-sunod nga pagtahan sa mga kanhi sakop sa Communist Terrorist Group (CTG) ug pagdala sa mga armas niini ingon man pagkabungkag sa mga unit sa rebelde ang dili na makapahigayon ug atrocities atol sa eleksiyon.
Gipahugtan sab sumala pa karon sa EastMinCom ang ilang random checkpoints sa nagkadaiyang komunidad samtang ang dugang nga mga resources ang magsilbi nga on call apan andam nga i-deploy ug kung gikinahanglan panahon sa pag-transport sa mga election materials ngadto sa mga polling centers.
Laraw sab sumala pa nila nga i-tap ang mga reserved ug forward service units arun nga mapadali ang deployment sa tropa sa Mayo 9.
Gisaad sab karun ni LtGen. Almerol nga magpabilin nga non-partisan ang tropa sa kagamhanan sa nagsingabot nga eleksiyon isip poagtamud sa mandato sa gobyerno.
