Davao City – Padayon ang panawagan sa ahensiya sa Philippine Volcanology and Seismology (Philvolcs) ngadto sa publiko nga kinahanglan seryosohon sa katawhan ang ipahigayon nga mga earthquake drill aron nga mas makapangandam ang dakbayan sa higayon nga mo-igo ang kusog nga linog.
Apan karon lamang nabalaka na ang ahensiya gumikan kay mamahimo sumala pa nga mohatud ug dakong kadaut sa dakbayan sa higayon nga mahitabo ang The Big one sa Mati City.
Gipasabot ni Svetlana Catoera, Project assistant Registered geology sa Philvolcs, bisan maggikan sa Mati City ang epicenter sa linog, mamahimong dakong kadaut ang ihatud niini sa dakbayan kini tungod mas humok sumala pa ang yuta dinhi sa siyudad kung itandi sa Mati City. Kahinumduman nga dinhi sa siyudad, adunay natalang lima ka mga active fault line.
Gani, nakatala na sab sumala pa karon ang ahensiya ug bag-ong active fault line sa Makilala North Cotabato gumikan sa nasinatiang kusog nga linog sa milabay nga semana.
