DAVAO CITY – Lain nga landslide na sab ang natigayon sa Purok 1 Barangay San Isidro Nabunturan Davao de Oro diin adunay portion sa dalan ang dili pa mamahimong ma-agi-an.
Sa impormasyon gikan sa Municipal Disaster Risk Reduction and Management Office (MDRRMO) nga tungod sa maong insidente, limitado lamang una karon ang mamahimong maka-agi sa lugar.
Sa ulahing assessment nga gipahigayon sa ahensiya, adunay baga nga lapok ang kalsada nga anaa sa 1-2 feet ang gitas-on ug gipahimangnoan na sab niini ang mga motorista nga mag-igmat sanglit posible pa nga masinatian ang lain pa nga pagdahili sa lain nga portion sa kalsada hinungdan nga dili pa sab mamahimong ipahbigayon ang clearing operation. Hinuon wala sumala pay mga residente nga naapektohan sa landslide.
Pasado alas siete kagabie, dili pa passable sa 4-wheel vehicles ug trucks gumikan sa baga nga lapok gawas lamang sa mga motosiklo.
Hinuon mas maayo sumala pa sa maong kung hapsay na kini aron nga malikayan ang disgrasya. Sa pikas nga bahin, nakasinate sab ug pagdahili sa yuta ang Purok 5 Handurumog Barangay Bayabas.
Tungod sa maong insidente, limitado lamang sab ang mamahimong maka-agi sa kalsada sa lugar.
Base sa assessment sa MDRRMO tungod pa gihapon sa sunod-sunod nga mga pag-ulan ang hinungdan sa pagdahili sa mga yuta sa lalawigan.
Gihulat pa sab nila ang gikinahanglan nga mga ekipo ayha masugdan ang clearing operations nga gikan sa Municipal Engineers Office.
Pasado alas nuebe kagabie, not passable sa 4-wheel vehicles ug trucks ang lugar.
Bisan nga puwede nga makaagi ang motorsiklo apan kinahanglan nga magbinantayon gumikan sa mga debris sa kadalanan sama sa mga kahoy, bato ug daghanan pa.
Nagpahimangno ang mgha motorista nga doble amping arun nga dili mabutang sa alanganin ang sitwasyon.
