Mokabat sa dul-an tunga sa milyon ang kantidad sa nakumpiska nga iligal nga droga atol sa usa ka semana nga operasyon.
Ubos sa liderato ni Acting City Director, PCol. Mannan Muarip, nagpadayon nga lig-on sa misyon sa kapulisan aron nga panalipdan ang siyudad uban ang aktibong suporta sa komunidad ug mga opisyal sa barangay.
Sulod sa semana, gipahigayon nga operasyon adunay 48 ka mga anti-illegal drug operations, nga miresulta sa pagkasikop sa 54 ka mga suspek ug pagkakumpiska sa 65.3796 gramos nga shabu (SDP: Php 444,581.28) ug 126.5 gramos nga marijuana (SDP: Php 15,180.00).
Samtang adunay 9 ka mga anti-illegal gambling operations, nga miresulta sa pagdakop sa 10 ka sugarol, pagkasakmit sa Php 2,385.00 nga pusta, ug pagsang-at sa 8 ka kaso.
Adunay 46 ka operasyon batok sa mga wanted persons, nga nagresulta sa pagdakop sa 46 ka indibidwal, lakip ang 23 ka most wanted persons.
Adunay 9 ka operasyon usab batok sa loose firearms, nga miresulta sa pagkasikop sa 2 ka mga suspek, pagkasakmit sa 5 ka armas, 3 ka armas nga boluntaryong gisurender, 3 ka Turn-In alang sa safekeeping, ug 2 ka kaso nga gisang-at sa korte.
Sa kinatibuk-an, adunay 112 ka mga indibidwal ang nadakpan tungod sa nagkalain-laing kalapasan, nga nagpakita sa lig-on nga paningkamot sa DCPO sa pagpatuman sa balaod samtang hugot nga gisunod ang mga prinsipyo sa human rights ug Police Operational Procedures.
Kining nga mga kalampusan nagpakita dili lamang sa dedikasyon sa mga kalalakin-an ug kababayen-an sa DCPO, apan usab sa lig-on nga panag-uban sa komunidad, mga opisyal sa barangay, ug sa Local Government Unit.
