DAVAO DEL SUR- Dakpan ang usa ka negosyante atol sa gilusad nga drug buybust operation sa mga kapulisan sa Digos pasado alas sais ang takna kagabii.
Subay sa report sa mga otoridad, gipahigayon ang joint Buy-bust operation sa Purok 1 – Mt. Apo, Barangay Kapatagan, Digos City, Davao del Sur nga miresulta sa pagkasikop kang alias “MARANAW” 46-anyos,minyu, ug residente sa Purok 1 sa nasampit nga baranggay.
Nakumpiska sa dinakpan ang katorse ka managlahing gidak-on sa pakete sa iligal nga droga kon shabu nga nagkantidad ug P286,960 nga standard drug price nga mitimbang ug 42.20 grams.
Narekober sab sa mga operatiba ang kwarta nga gigamit isip buybust money atoll sa operasyon.Sa karon ang dinakpan ang anaa na sa kostudiya sa Digos PNP ug mag-atubang kini ug kasong pagsupak sa RA 9165.
