Gikatakda nga mapapas sa listahan ang dul-an 500,000 double ug multiple voter registrants gikan sa sistema sa Commission on Elections (Comelec).
Kini human nga makakuha kini ug ‘hits’ gikan sa Automated Fingerprint Identification System (AFIS) sa poll body.
Sumala kang Comelec chairman George Erwin Garcia, narehistro ang double ug multiple entries gikan sa Hulyo 15 hangtod sa Setyembre 30 nga ulahing adlaw sa voter registration alang sa 2025 midterm elections.
Kabahin niini, magpahigayon ang election registration board ug special meeting karon nga bulan ayha i-finalize ang listahan sa mga botante karong Nobyembre.
Nagpahimangno sab si Garcia nga ang pagparehistro sa daghang higayon ang usa ka election offense nga adunay tugbang nga usa hangtod sa unom ka tuig nga pagkabilanggo alang sa double registrant.
