DAVAO CITY – Kinatibuk-ang 3,917 ka mga pamilya o 18,384 ka mga indibidwal ang ihap sa mga naapektohan sa linog sa Davao del Sur ug Davao Occidental kini base sa report gikan Regional Disaster Risk Reduction and Management Council Davao Region (RDRRMC-Davao).
Gikanayong mayorya sa mga apektadong pamilya ang anaa sa Davao del Sur, diin ang ihap sa mga displaced families tungod sa kadaut sa ilang mga pinuy-anan ang anaa na sa 2,717 o tugbang sa 13,575 ka mga indibidwal.
Samtang ang ihap sa mga pamilya napugos paghikling ang anaa sa 1,191 o 4,764 ka mga indibidwal.
Sa Davao Occidental, adunay lima ka mga pamilya o 25 individuals ang nawad-an ug pinuy-anan ug upat ka mga pamilya o 20 ka mga indibidwal ang mibakwit.
Una na sab nga gibutyag ni Office of the Civil Defense-Davao Region (OCD-Davao) Regional Director ug RDRRMC Chair Manuel Luis M. Ochotorena nga magpahigayon sila ug meeting tali sa NHA (National Housing Authority) ug mayor sa Magsaysay, aron nga hisgutan ang relocation sites sa mga residente nga apektado karon sa linog.
