DAVAO CITY – Miabot na sa kapin 100,000 ka mga indibiduwal ang nakadawat sa ilang fisrt dose sa covid 19 vaccine ponaagi sa Mobile Vaccination Program sa pagpanguna sa konseho sa dakbayan sa Dabaw.
Subay sa record sa 19th Davao City council Mobile Vaccination Overall output gikan August 4, 2021 hangtud April 24, 2022 moabot na sa 116,337 ang kinatibuk-ang ihap sa mga indibiduwal ang nakadawat sa ilang first dose pinaagi sa mobile vaccination program niini.
Samtang, naa na usab sa 89,794 ang mga fully vaccinated human nakadawat sa ilang duha ka mga doses p single dose sa anti covid vaccine.
Gikatala usab sa konseho ang kinatibuk-ang 9,383 ka mga vaccinees ang naka-dawat sa ilang booster doses pinaagi gihapon sa nahisgutang programa.
Gilusad sa city council ang mobile vaccination program aron maabot ang mga residente nga naa nanimuyo sa lagyo ug hilit nga mga barangay sa syudad kinsa dili makahimo sa pag-adto sa gipahimutang nga mga regular vaccination sites sa syudad gumikan sa pipila ka mga hinungdan ilabini na ang kawad-on ug kuwarta nga ipamiliti.
Lakip usab sa mga nakapahimulos sa mobile vaccination sa konseho ang mga senior citizens nga nalisdan sa pag-adto sa mga vaccination hubs.
