DAVAO CITY – Dul-an dies mil ka mga face masks ang gipang-apud-apod sa buhatan ni Davao City 1st District Rep. Paolo Z. Duterte karong adlawa.
Ang Distribution areas ang langkuban sa Davao International Airport, Ecoland Bus Terminal, Southern Philippines Medical Center, City Hall, Sangguniang Panlungsod ug mga barangay halls sa 54 ka mga barangay nga sakop sa First District.
Dungan nga gihimo ang distribution sa tanan nga mga identified areas nga gipahigayon insaktong alas 9 kaganinang buntag.
Gikanayon ni Cong Pulong Duterte nga ang nahisgutang lakang ang kabahin sa nagka-taas nga panginahanglanon sa mga dabawenyos alang sa face masks human mideklara ang daghang mga tindahan dinhi sa syudad ug out of stock gumikan sa taas nga demand sa face masks.
Dugang pa ni Pulong, kini ang nagsilbi nga tabang sa iyang buhatan ngadto sa katawhan gumikan kay daghan na ang walay mapalit nga masks gumikan sa bahad sa coronarivus.
Apan, gitin-aw sa presidential son nga dili nila buot sugnuran ang kabalaka sa katawhan, inay buot lamang niyang motabang. Samtang, gitambagan usab sa presidential son ang katawhan nga dili mag-panic, ang mahinungdanon sumala pa ipabilin ang kalimpyo sa panglawas ug sa palibot.
