Patay ang duha ka mga drayber sa motorsiklo human nga gibanggaan kini sa Bonggo nga sakyanan pasado alas sais ang takna kaganihang buntag.
Sa report gikan sa kapulisan usa ka sakyanan nga Bonggo double cab nga padayon pang ginaila ang drayber karong panahuna.
Samtang ang mga motor nga gibanggaan ang gimaneho nila Florencio Bargamento nga nagmaneho sa Bajaj 125 nga taga Sitio Davao gulf Brgy Tamugan,Marilog District, samtang usa ka Yamaha mio ang gimaneho ni Christopher S Lopecillo nga taga Sitio Sambunutan Brgy Malamba,marilog Dist. ning syudad.
Sa imbistigasyon sa kapulisan, ang mga sakyanan ang nagsubay sa national highway sa lower lanitum, Barangay Suawan Marilog Ditrict.
Sa imbistigasyon sa kapulisan, ang bongo nga sakyanan nagsubay sa Davao bukidnon road padulong sa sentro nga bahin sa syudad sa Davao apan pag-abot sa kurbada nga bahin sa karsada nikalit sumala pa ug subay sa pikas nga dalan ug nabanggaan niini ang duha ka mga motor nga gikan sa sentro sa dakbayan sa Davao.
Tungod sa kakusog sa pagkabangga, nalagpot ang mga biktima sa daplin sa karsada ug nabunal ang mga biktima sa semento nga maoy hinungdan sa ilahang kamatayon.
Girespondihan pa sa Davao Central 911 ang nasinati-an sa mga biktima apan gideklara na kining nakabsan na sa kinabuhi.
Samtang ang maong dryaber sa bonggo ang gidala ngadto sa Police station sa maong dapit.
