DAVAO CITY – Nasapon sa Task Force Davao ang duha ka indibidwal nga naghupot ug ilegal nga droga ingon man armas, atol sa gitaganang checkpoint sa Sirawan, Toril, Davao City ning nakalabayang adlaw.
Giila ang mga dinakpang sila Jovith Galapin, 29 anyos, na taga-Purok Mangingisda, Barangay Zone 1-A, Pulupandan, Negros Occidental; ug Rio Galapin, 42 anyos, na taga-Proper Sta. Teresa, Jordan, Guimaras.
Sakay ang duha ka dinakpan sa usa ka berdeng 10-wheeler Fuso wing van truck paingon Davao City. Kumpiskado gikan sa mga dinakpan ang usa ka pakete sa .7 gramos nga gituohang shabu diin nagkantidad og P11,200, mga drug paraphernalia, ug usa ka kalibre .38 nga pistola apil ang 5 ka mga buhing bala.
Giendorso na ang duha sa Toril Police Station samtang pasakaan sila og patong-patong nga kaso.
via || Bombo LJF
