-- ADVERTISEMENT --
Gi-anunsiyo ni Davao City Mayor Sara Duterte-Carpio nga ipatuman ang dugang suweldo sa mga tanan nga job orders (JOs) ug contract of service (COS) employees sugod sa Enero 2020.
Sumala sa Mayor nga anaa sa P220 per month o P10 matag adlaw ang dugang sulod sa 22 ka working days.
Gitataw sab sa Mayor nga gibana-banaang 10,000 local government employees lakip na JOs ug COS ang maka-benipisyo sa pagsaka sa suweldo.
Samtang sa mga in-house health benefit package alang sa plantilla employees sa City Government, gigahinan kini ug 2020 Annual Budget aron mahatag ang assistance sa pagbayad sa consultation fee sa doktor, hospitalization, ug burial expenses alang sa mga nanginahanglan.
