DAVAO CITY – Gitino sa Davao City Transport and Traffic Management Office (CTTMO) nga imposible pa ang pagpatuman ug dugang nga rota alang sa Peak Hours Augmentation Bus System (Phabs).
Sumala pa kang CTTMO chief Dionisio Abude bisan tuod nga ilang girekomenda ang dugang nga bus routes ilabi na sa area sa Mintal, Buhangin, Catalunan Pequeño, ug Cabantian, kinahanglan pa gihapon kini ug pag-apruba gikan sa Land Transportation Franchising and Regulatory Board (LTFRB) gumikan kay dili kini basta-basta nga ipatuman.
Gani wala pa sab mikuha ang Mindanao Star, ang bus company nag gi-tap sa augmented bus system, ug franchise approval gikan sa LTFRB.
Gikanayon sab ni Abude nga sa kasamtangan, dili igo ang pito ka mga augmented buses nga i-cater ang mga pasahero.
Dugang sa opisyal nga nagpadayon sab karon ang internal problems sa bus companya hinungdan nga pakyas kini nga makahatag ug dugang nga unit.
Samtang gikanayon sab sa opisyal nga nakasinate karon ug Phabs, ilabi na nga gilugwayan ang biyahe niini ug 24 oras sanglit ubos lamang ang pasahero sa gabii gawas pa sa suliran sa trapiko ilabi na sa may Ulas hinungdan nga malangan kini sa ilang biyahe.
