Gimando ni PNP Chief PGen Rommel Marbil ang pagdeploy og dugang personnel sa mga komunidad. Kini aron mapalig-on pa ang kampanya sa kapolisan batok sa mga krimen.
Matod ni Gen Marbil, iyang gimanduan ang regional, provincial, city, ug municipal police sa pagpalig-on sa ilang kampanya batok sa kriminalidad sa ground level sama sa Oplan Galugad, Oplan Sita, ug patrol operations.
Gumikan gituohan niini nga ang mas lapad nga presensya sa kapulisan sa komunidad kay makatabang sa pagsiguro sa kaluwasan sa mga komunidad ug mga lungsuranon.
Dugang pa sa opisyal nga iya nang gimanduan ang kapulisan nga pakunhuran ang opisina o clerical work sa kapulisan aron mas aktibo ang 85% sa mga trabahante sa PNP sa ilang field duties.
Gawas nga bantayan ang kaluwasan sa mga lungsuranon, nagtumong kini sa pagtukod sa pasalig ug suporta sa publiko sa kapolisan.
Subay sa bag-ong direktiba ni Interior and Local Government Sec. Benhur Abalos Jr. adunay ‘heightened police presence’ ug foot patrol aron dali nga makatubag sa mga krimen ug bisan unsang mga panginahanglanon ang mga kapulisan.
