DVAAO CITY – Mas daghanang mga lugar sa dakbayan ang planong ideklara nga maximum security zone kini human nga ubay-ubay sumala pa nga suroyanan ang sagad dagsaon sa katawhan.
Kahinumduman nga una ng gideklara niini ang San Pedro Square ug plano sab nga isunod ang Roxas Night Market.
Apan gikanayon ni Angel Sumagaysay, head sa Public Safety and Security Command Center (PSSCC), dakong tabang ang nahisgutan nga lakang aron nga masigurong mas matutukan ang seguridad sa katawhan.
Plano sab nga ilakip sa maong deklarasyon ang mga parke sa siyudad nga sagad daghanang tawo sab ang magtapok.
Gitataw sab sa opisyal nga tungod kay ubay-ubay nga mga lugar sa dakbayan ang kinahanglan nga bantayan, hinay-hinay lamang nila kini nga ipatuman.
Buhaton sumala pa nila ang maong lakang alang sa dakbayan sa Davao.
