DAVAO CITY – Nanawagan pa gihapon ang City Tourism Operation Office (CTOO) ngadto sa mga bisita ug turista nga makighiusa pa gihapon sa ipahigayon nga pitik ug pamulak sa kadayawan sa adlaw karong adlawa nga sabado, Agosto 24.
Gikalipay pag-ayo ni CTOO head Generose Tecson ang positibo nga tubag sa daghanang mga turista ug bisita nga nag-enjoy sa milabay nga Indak-indak sa kadalanan dungan sa panghinaut nga susama sab ang maangkon nga kasadya sa nagsingabot nga Floral float parade.
Sa kasamtangan, padayon sumala pa ang bookings sa mga hotels sa dakbayan diin sa milabay nga Indak-indak, halos puno na kini ug mga turista ug bisita.
Kahinumduman nga ang hotel bookings ang basehan sa buhatan kung taas ba ang natalang mga bisita ug turista dinhi sa dakbayan.
