DAVAO CITY – Laing 13 pa ka mga peneriso nga nakagawas gumikan sa Good Conduct and Time Allowance (GCTA) law ang mitahan sa otoridad.
Tungod niini ,a anaa na lamang sa 13 ka mga peneriso ang pangitaon sa Davao Region gumikan kay 63 pa ka lain nga mga benepisiyaryo sa GCTA ang mitahan.
Sumala pa kang Capt. Nolan Tagsip, tigpamaba sa Davao City Police Office (DCPO), nga tulo sa mga mitahan ang na-turn over na sa Davao Penal Farm Colony sa Panabo, Davao del Norte.
Giila ni Tagsip ang mga gi-turn over nga sila si Carlito Basilan del Pilar ug Rener Dave Sarte Panilagao, susama nga rape convicts ug Andres Oñez Biangcong nag-atubang ug kasong pagpatay.
Sila si Del Pilar ug Panilagao ang susama nga mitahan sa Toril Police Station, samtang si Biangcong misurender sa Sta. Ana Police Station. Gitataw ni Tagsip nga ang nahibilin nag 13 ka mga at-large convicts mamahimo sumala pa nga motahan bisan nga natapos na ang lugway nga gihatag ni Pangulong Rodrigo Duterte.
Gihatagan na matud pa ang Police Regional Office XI ug 76 ka mga pangalan sa mga peneriso nga gipagawas ilalom sa GCTA.
