DAVAO REGION- Gisugdan na sa mga personahe sa Department of Trade and Industry XI ang price and suppy monitoring sa ilahang gilangkubang mga areas nga mao ang Davao Oriental, Davao de Oro, Davao del Norte, Davao del Sur, Davao Occidental ug ang key city nga Davao City.
Sumala pa ni Senior Trade- Industry Development Specialist Dexter Bermudez sa DTI XI nga ang pagbuhat sa price and supply monitoring ang nahisubay sa Republic Act 7581 kon Price Act of the Philippines.
Matud pa ni Bermudez nga ang school supply ang na klasipika isip prime commodities ug ginatawag nga seasonal nga produkto.
Pagbutyag pa niini nga ning kasamtangan ang school supplies mao ilahang gina-monitoran.
Sa maong kamanduan, ginalantaw sa mga personahe og nahisunod ba sa gipagawas nga ‘gabay sa pamimili ng school supplies’ ang kantidad ug kalidad niini.
Lakip sa ilahang ginamonitor nga mga produkto karon mao ang; notebook writing 80 leaves, notebook sa composition 80 leaves,notebook spiral 80 leaves, notebook yarn 80 leaves, pad pader grade 1-4 (80 leaves) , intermediate paper 80 leaves, lapis nga per piece, 3 piece per pack, ballpen per piece, ballpen 3 piece per pack, eraser, crayons, sharpener, ug mga ruler.
Dugang pa niini nga lakip sa ilahang mga gina-check mao ang kong nasakto ba ang ihap sa matag produkto aron masiguro nga sakto ang ihap sa matagprodukto nga madawatan sa mga konsumante.
Lakip na usab sa ginalantaw sa maong buhatan ang presyo sa matag produkto og nahisubay ba kini sa gipagawas nga ‘gabay sa pamimili ng school supplies’ aron nga ma-assist ang mga consumer sa pagpamalit niini.
Ang maong guidlines usab ang ginahatag sa maong buhatan ngadto sa mga major bookstores ug department stores aron ilaha kining mapilit alng makita sa mga mamalitay.
Dugang pa niini nga ang naandang suggested retail price kon SRP ang giilisdan na karon sa tawag nga ‘gabay sa pamimili ng school supplies’ ug ning kasamtangan gina-paba-abot na laman ang guidelines alang nign tuig 2024.
via/ DMA
