DAVAO CITY – Gi-awhag sa Department of Trade and Industry (DTI) 11 ang publiko nga i-report ang mga kompanya diin ang ilang operasyon wala nahaom sa ilang gideklara nga klase sa pamatigayon.
Sumala pa kang DTI 11 Regional Director Maria Belenda Q. Ambi, nakadawat sila ug mukabat sa 12,000 registrations sa business names, apan pipila sa mga registrants sagad nga nag-operate nga dili related sa ilang gi-apply sa ahensiya.
Gitataw ni Ambi nga mamahimo sumala pa nga mo-report ang publiko sa mga susama nga balay pamatigayon ngadto sa ilang ahensiya aron nga masubay nila kini sa ilang database kung rehistrado ang ilang negosyo.
Pinaagi makiglambigit sab sila ngadto sa local government units (LGUs) aron nga masubay kung ang nahisgutan nga establisyemento ang nakakuha ug business permits aron nga mag-operate.
Tipik lamang ang nahisgutan nga lakang human ang nadawat nga report kalabot sa naghitak karon nga kompanya nga nagtanyag ug dakong tubo sa investment diin ang susama nga negosyo wala matud pay kalahian sa Ponzi scheme, usa ka illegal investment scheme kaniadtong 1920s diin gikuha ang nahisgutan nga pangalan sa nagmugna niini nga si Charles Ponzi.
