-- ADVERTISEMENT --
DAVAO CITY – Gumikan sa nagsingabot nga adlaw sa kapaskohan, nanawagan sab karon ang ahensiya sa Department of Trade and Industry (DTI) ngadto sa publiko nga likayan ang pagpalit ug mga substandard nga mga Christmas lights aron nga makalikay sa disgrasya.
Sumala sa ahensiya, kinahanglan nga subayon kung adunay Philippine standard mark ang Christmas lights ug ang ICC sticker niini kinahanglan nga magsugod sa tuig 2013.
Samtang gibutyag sab ni Christopher Dalhog, Trade-Industry Development specialist sa DTI-Davao nga sa kasamtangan wala pay gipatuman nga pagsaka sa presyo sa mga Noche Buena items.
Sa kasamtangan, nagpabilin sumala pa kini sa regular price ug naghulat pa sila ug kamandoan gikan sa ilang main office.
