DAVAO CITY – Luyo sa nasinatian nga panic buying, gibutyag sa Department of Trade and Industry (DTI) XI nga wala sumala pay pagsaka sa commodity price sa rehiyon.
Sumala pa kang DTI XI acting division chief Raul Bulaclac nga nagpahigayon sila ug mga sunod-sunod nga monitoring sa mga supermarkets ug uban pang establisyemento sukad sa milabay nga semana ug nasayran nga wala sumala pay pau-usab sa presyo sa mga nag-unang palaliton.
Nagpakatag na sab sumala pa sila ug team aron nga imonitor ang supplies sa supermarkets o mga establisyemento nag namaligya og mga produkto.
Aduna sumala pay pipila ka mga establishments nga nahutdan na ug produkto sa ilang display racks apan aduna pay supply.
Samtang aron nga mamonitor pa ang mga baligya, nagmugna ang ahensiya ug data sheet nga ihatag sa mga establishments nga namaligya ug mga goods covered aron nga masubay pag-ayo kung adunay paglihok sa ilang mga presyo ug supplies.
