DAVAO ORIENTAL- Gitunol sa Department of Social Welfare and Development (DSWD) pinaagi ni Secretary Rex Gatchalian ug Department of Tourism (DOT) pinaagi ni Secretary Ma. Esperanza Christian Garcia Frasco ang tabang pinasyal sa mga trabahante sa hisgutanang turismo nga labihang naapektuhan sa mga nagkadaiyang kalamidad dinhi sa rehiyon.
Ang DSWD-DOT ang nakahiusa sa pagtunol sa tabang pinansyal subay sa direktiba ni Pang. Ferdinand R. Marcos Jr alang sa katuyuan sa tibuok nasud nga tabangan ang tourism workers nga makabarog sa ilahang kaugalingon ug panginabuhian human sa mga kalamidad.
Atol sa gipahigayon nga seremonya sa pagtunol sa tabang pinasyal sa Mati City, Davao Oriental, mokabat sa 1,283 ka mga trabahante sa industriya sa turismo nga nag-antos sa danyos gumikan sa hilabihang pagbaha niadtong Pebrero ug kini sila ang nahatagan ug cash assistance pinaagi sa proyekto sa DOT’ nga Bayanihan sa Bukas sa may Pag-asa para sa Turismo (BBMT).
Gawas sa pinansyal nga ayuda sa DOT ug DSWD adunay nadawat sab nga mga hinabang ang kwalipikadong indibidwal aron nga makatabang sa ilahang panginabuhi-an mao ang gipahigayon nga specialized training sessions aron nga makakat-on ang mga benepisyaryo uyg mga kahibalo kon skills alang sa ilahang pagpanarbaho ug panginabuhi-an.
Kini nga mga trainings ang gilangkuban sa Basic Hilot, Breads and Artwork, Breads and Pastry alang sa Davao Oriental, Detergent and Candle Making Workshop, ug Massage Oil Workshop alang sa Davao de Oro. Kini nga mga trainings ang pagdasig sa mga indibidwal ilabi pa sa hisgutanan nga tourism industry ug uban pa.
Ang maong kalihukan ang gitambungan sa mga kadagkuang opisyal sa Probinsya sa Davao Oriental sa pagapanguna ni Gvernor Ninyu Uy ug Davao De Oro Governor Dorthy Gonzaga, uban ang DSWD Sec Rex Gachalian ug DOT Sec. Ma. Esperanza Frasco.
