DAVAO REGION- Tumong karon sa Department of Social Welfare and Development kon DSWD XI nga mamahimong self sufficient ang anaa sa 77,595 households sa Pantawid Pamilyang Pilipino Program kon 4Ps gikan sa 271,565 nga aktibo nga households sa Davao Region.
Nagkanayon ang Division Chief sa 4P’s DSWD XI nga si Margie Cabido nga ang maong self-sufficiency ang kabahin sa 4Ps program nga nagtumong nga mapalambo ang kahimtang sa benepisyaryo sa maong programa ug alang matabangan sila nga makabarog sa ilahang kaugalingon. Sa gipagulang datos sa maong buhatan.
miabot sa kinatibuk-ang 14,012 household ang migraduar sa maong programa sa tuig 2023.
Samtang alang sa bulan sa Marso tuig 2024, anaa sa 12,796 households ang nakalampos sa kasamtangang gipailawum sa post-service interventions.
Nagpagawas usab og paglaum si Cabido nga makapagtimbayayong sila sa mas daghan pang stakeholders aron maabot ang target nga dul-an 78k ka mga pamilya.
