DAVAO CITY – Gikanayon sa Department of Social Welfare and Development Davao Region (DSWD-11) nga nakatabang na sa sila ug 214 families nga ilang gi-refer sa Davao Region nga Balik Probinsya, Bagong Pag-Asa program (BP2).
Sumala pa kang DSWD-11 BP2 focal person Lee Macris Berdos, nbga mas daghanang mga pamilya ang buot nga mubalik sa ilang mga probinsiya karung tuiga ug gani milabaw pa ang ilang natala nga ihap gikan sa target nila karung tuiga nga anaa sa 150 families.
Ang BP2 program gipatuman pinaagi sa Executive Order 114 kini arun nga mapatuman ang mga lakang nga musuporta sa decongestion sa urban communities pinaagi sa equitable distribution sa propedad ug resources, ingon man ang probisyon sa social services sa rural areas.
Laraw sab niini nga mahatagan ang kagawasan ang mga benepisiyaryo nga makadesisyon kung unsa nga lugar sila haum nga mupuyo.
Ang mga mamahimong benepisiyaryo niini ang gilangkuban sa mga naapektohan sa government projects ug legal demolition activities; pamilya nga nagpuyo sa mga kadalanan ug anaa sa danger zones; biktima sa human-induced o natural disasters kalakip na ang health hazards sama sa coronavirus disease 2019 pandemic; mga indibidwal nga nawad-an ug trabaho o income opportunities; ingon man informal settlers.
