DSWD 11 makanunayon sa pagtunol og hinabang sa mga biktima sa linog sa Malalag Davao del Sur

DAVAO CITY – Padayon sumala pa ang pagtunol og hinabang sa Department of Social Welfare and Development Office (DSWD) 11 ngadto sa mga nabiktima sa linog partikular na sa Malalag Davao del Sur.

Sumala pa kang Grace Subong, regional director sa DSWD-11, nga sa kasamtangan mikabat na sa P3.6 milyones ka pesos ang ilang nahatag nga ayuda sa nahisgutan nga lalawigan diin gilangkuban kini sa 2,004 food packs, 598 ka mga laminated sacks, 63 ka mga tents, 500 ka mga drinking kits o adunay kantidad nga kapin P2 milyones ka pesos.

Samtang anaa sab sa P1,524,000 ang cash assistance nga natunol sa ahensiya o P3,000 sa matag pamilya.

Sumala pa kang Subong, mas gisubay nila kadtong mga pamilya nga nanginahanglan ug grabe nga naapektohan sa kalamidad.