DAVAO CITY – Gipasalig sa Department of Social Welfare and Development Office (DSWD) 11 nga andam sila kanunay panahon nga adunay manginahanglan ug hinabang nga mga Local Government Units (LGUs) ilabi na kadtong naapektohan sa bag-ohay pa lamang nga linog nga miigo sa parte sa Mindanao diin pinaka-apektado niini ang pipila ka mga lugar sa Davao del Sur.
Una ng gibutyag ni Erna Sampiano, chief sa Disaster Division sa DSWD-11 nga naka-stand by na ang ilang kapin 10,000 ka mga relief goods, family kits ug ang P3 milyones nga peso nga pondo nga mamahimong ihatag sa mga apektadong pamilya.
Apan mihatag gilayon ug katin-awan ang nahisgutan nga kinahanglan nila nga masayran ang ensakto nga ihap sa mga hatagan ug hinabang ug sila mismo ang motunol niini ug dili nila mamahimong isalig ngadto sa uban.
