Gibungkag sa mga otoridad ang gikaingon nga drug den sa Purok 1A, Barangay Cadunan, Mabini, Davao de Oro atol sa gilusad nga drug buybust operation sa pagpanguna sa Philippine Drug Enforcement Agency kon PDEA diin armas og iligal nga droga ang nakumpiska.
Subay sa taho gikan sa mga otoridad, giila ang mga dinakpan nga sila alyas “Lycka” 34-anyos usa ka operator sa drugden uban ang mga empleyado niini nga sila alyas “Una” ug “Paloy”. Sumala pa sa mga otoridad, unang napalitan og shabu ang drug den operator sa kantidad nga P50,000. Nakumpiska usab sa mga dinakpan ang laing mga pakete sa iligal nga droga nga nagkantidad og P180,000 nga mitimbang og 18 gramos.
Nakumpiska usab sa dinakpan ang mga drug paraphernalia ug .45 nga kalibre sa pistola nga adunay mga bala. Sa pagkakaron ang mga dinakpan ang anaa na sa kostudiya sa mga otoridad samtang gipasakahan na og kaso nga pagsupak sa RA 9165 ug ang kaso nga pagsupak sa RA 10591 kon Comprehensive Firearms and Ammunition Regulation Act).
