DAVAO CITY – Andam na ang City Anti-Drug Abuse Council (Cadac) sa ipahigayon nga workshops isip kabahin sa pagpatuman sa rules and regulations alang sa mandato nga drug testing ordinance sa tanan nga mga business establishments nga adunay kapin 10 ka mga empleyado.
Sumala pa kang Cadac program director Ronaldo Rivera, nga isip mandato sa balaod, kinahanglan nga ang mga service-oriented establishments mopahigayon ug random drug tests karong tuiga isip rekisitos sa renewal sa ilang business permits alang sa tuig 2020.
Tanan sumala pa nga mga establisymento kinahanglan nga mohimo ug random drug testing matag tulo ka tuig.
Sumala pa kang Rivera, dili nila dungan nga mapahigayon ang nahisgutan nga lakang gumikan sa kawad-on nila ug mga resources.
Kalakip sa ipatuman nga ordinansa ang advocacy, education, ug training; drug testing program alang sa officers ug employees; treatment, rehabilitation, ug referral; ingon man monitoring ug evaluation. Ang training schedule magsugod sa Abril 10-11, 2019
