DAVAO CITY – Gi-organisa sa kapolisan sa dakbayan sa Digos sa pagpanguna ni Police Supt. Demetrios Taipen ang mga drug surrenderees nga ginganlan nila ug DVD o Drug Victims of Digos City.
Gipatuman sab kini sa nagkada-iya nga mga barangay sa dakbayan sa Digos. Gisugdan ang nahisgutan nga kalihulkan sukad pa sa milabay nga semana, diin tumong niini nga ang mga drug surrenderee dili na subli pa nga mobalik sa daan nga bisyo.
Ang nahisgutan nga pag-organisa inabagan sab sa kagamhanang dakbayan sa Digos, sa pagpanguna ni Mayor Joseph Peñas.
Nag-unang kalihukan sa organisasyon mao ang sa pa-ugnat sa kusog.
Sama sa basketball ug uban pa nga matang sa dula ug posibli nga duna pa’y mahatag nga tabang sama sa livelihood program nga mahatag sa kagamhanang dakbayan sa Digos.
Ang mga police mismo pinaagi sa pagpanguna ni Taipen ang mi-organisa sa mga drug surrenderee.
Kapin sa tres mil ka mga drug surrenderee ang kalakip sa nahisgutan nga organisasyon gikan sa baynte sais ka mga kabarangayan sa dakbayan sa Digos.
