DAVAO CITY – Motabang sumala pa ang mga drug reformists sa lokal nga panggamhanan aron nga maresolba ang suliran sa waste management pinaagi sa paggamit ug biodegradable waste isip organic fertilizer.
Sa usa ka hinabi gikanayon ni Ronald Rivera, adviser sa community organization and program director sa City Anti-drug Abuse Council (Cadac) nga ang nahisgutan nga inisyatibo sa grupo sa mga drug reformists tipik lamang aron ibalik ngadto sa kagamhanan ang paghatag kanila ug tsansa.
Usa sa mamahimong papel sa reformists mao ang paghatud sa mga basura nga gikan sa mga npublic market sa Agdao ug Toril paingon sa composting plant sa Binugao, Toril.
Makiglambigit sila sa Davao Thermo Biotech Corporation, usa ka composting plant sa Binugao, Toril nga migamit ug mga advanced Japanese biotechnology ingon man hyperthermophilic aerobic bacteria sa mga biodegrade nga basura.
