Drug den sa Tagum City gipuhag, 190k shabu narekober

DAVAO CITY - Napuhag sa operasyon sa Philippine Drug Enforcement XI ang usa ka drug den sa Tagum City samtang 190,000 pesos nga kantidad sa illegal nga droga ang narekober sa otoridad. 

Gikasa ang anti-illegal drugs operation pasado alas 2:10 sa Purok Suaybaguio A, Barangay Magugpo North, Tagum City, Davao del Norte. Dakpan ang subject sa buy-bust operation nga si Cherrynie Marie Espina, 25 anyos usa ka dalaga, homan nga napalitan og shabu sa kantidad nga 10 mil pesos. 

Naabtan usab sa drug den ang usa ka Ivy Peralta ug Niño Zozobrado diin narekober usab ang laing 6 ka sachet o 12 gramos sa shabu nga mikantidad og Php. 180,000. Gawas sa illegal drugs nahipos usab sa otoridad ang assorted drug paraphernalia, buy-bust marked money ug boodle money. 

Nasayran nga ang drug den nga gipanag-iyahan sa dalagang si Espina una ng gireport sa nagpakabanang sibilyan nga buot mutabang sa operasyon batok illegal nga droga pinaagi sa Isumbong Mo Kay Wilkins.